莫財華倫１月星散

猪拉多纳

01/11/2011


西甲四哥華倫近季陷財困下每年都要賣星，季初放走桑馬達後，一月好可能會再嚟一個散貨潮，佐迪艾巴、馬菲奧及柏利祖都已經有買家吼實，話唔定轉會市場重開後就會跳船。


巴塞曼城乘虛而入


華倫近年莫財，稍為值錢嘅球員都會輪住被賣，桑馬達離隊後，下一個好可能就係今季人氣急升嘅左閘佐迪艾巴，呢位西班牙新進國腳已吸引到西甲王者巴塞注視，「地上最強」打算搵佢頂替年時已高嘅艾比度，所以有傳巴塞已決定在一月出價，勢奪心頭好。




事實上亦唔輪到華倫唔放手，事關佐迪艾巴季尾就會約滿，而呢位新星似乎亦冇意留在華倫西亞，為避人財兩失，華倫好可能選擇在一月放人執番多少。此外，另一左閘馬菲奧亦吸引到英超「億萬大軍」曼城垂青，其死敵阿仙奴就打算收購中場柏利祖代替法比加斯，所以華倫在明年一月，大有可能面目全非。