畢爾包2.25倍W有「體」頭

猪拉多纳

27/10/2011
文： 查理阿蛋

今晚西甲畢爾包主場迎戰馬體會，兩軍近況一個天一個地。馬體會雖然有法卡奧任箭頭，但係近6場賽事都未贏過兼只入得2球，教頭文沙奴隨時烏紗不保；反觀畢爾包有轟炸機洛蘭迪回勇，兼有表現出色嘅新星蒙尼恩助陣，實行幫馬體會球迷手踢走文沙奴，狼啲直取2.25倍主W！（開賽時間：周五凌晨4:00）




客軍教頭文沙奴今季回巢執教馬體會，佢之前曾經成功帶領馬略卡同西維爾保住聯賽前列位置，不過今季戰績就認真麻麻，雖然有哥倫比亞射手法卡奧壓陣，但佢哋連歐霸盃在內近6場都未贏過兼且只得2球進帳，作客更加係1球不入頹到爆！上場馬體會主場賽和馬略卡後，球迷已經不滿到大叫「文沙奴，走啦！」。如果今仗依然攞唔到3分，相信文沙奴都唔捱得幾耐。


馬體會6戰不勝入2球


另一邊廂，主隊畢爾包換上前智利國家隊領隊比爾沙掌帥後，雖然季初喺聯賽一度錄得3連敗，好彩嘅係近況止跌回升，計埋歐霸盃近6場都冇輸過兼場場有波入。除咗王牌射手洛蘭迪回勇，新星蒙尼恩亦相當搶鏡，近3仗攻入2球，同啞火嘅馬體會形成極大對比！




比爾沙帶領畢爾包其中一個成功嘅地方，就係充分運用陣中有速度嘅球員喺兩側推進，再以高大球員嘅身體優勢去突破對手防線，畢爾包「雙子塔」之一嘅防守中場查維馬天尼斯亦受惠於呢種戰術，今季已經成功「開齋」，佢喺接受《阿斯報》訪問時更大爆球隊成功秘訣：「比爾沙嘅戰術好講求速度同埋體能，令我哋嘅耐力往往比對手更優勝。」另一巨塔洛蘭迪仲話：「依家我哋表現好咗好多，信心返晒嚟！」咁有氣勢，今晚實行幫馬體會喺傷口上灑鹽喇！