西里安斯卡 作客做細界

猪拉多纳

27/10/2011
文： 麥馬拿仁

瑞典留級附加賽首回合，超聯代表西里安斯卡作客甲組仔安祖荷姆斯。西軍捱過傷兵潮後，到季尾終打出水準，論實力高過安軍半班，平手盤抵捧。瑞典波鋒力唔強，今仗大戰雙方必打穩陣波，翻查近四次附加賽首回合都開細，細盤好路。




（周五凌晨1時20分開賽）


對住甲組仔略超班


瑞典附加賽由瑞典超尾三球隊，鬥瑞典甲季軍球隊，鬥兩回合爭逐來季超聯席位，賽事將計算作客入球。西里安斯卡本季升班後，整體演出其實唔錯，只係季初到季中周時受到傷兵問題困擾，每每未能排出最佳陣容應戰，故嚴重影響成績。事實上，去到季尾西軍終於齊腳，曾擊敗卡爾馬、奧雷布洛等實力分子，以其實力應可打上瑞典超中游。今場面對低組別對手，應可秤先。




西軍作客戰鬥力減弱係不爭事實，近十場作客聯賽竟然輸足九場。如覺西軍平手盤捧唔落手，可考慮細盤。首回合雙方都唔想輸肯定謹慎，對上四屆全開細盤數據硬淨，1.59倍細熱得有理。