巴塞大火炒格蘭納達

猪拉多纳

25/10/2011
文： 法比加輝

西甲周中開快車，巴塞隆拿打頭陣作客撲擊ＣＦ格蘭納達。主隊係今季三支升班馬中最弱，因而被大部分莊家視為「降班膽」，實力自然與巴塞相距甚遠，加上「地上最強」剛於上場失分，鬥心一定高昂，今場對弱旅大炒機會濃，中位數3.5球照捧入球大。（now 632及660周三凌晨２時直播）




巴塞上場有美斯十二碼宴客，結果只能悶和西維爾，今季聯賽主場首度失分，而法比加斯亦捲入了種族歧視風波中。不過巴塞失分，某程度上對投X者都係好事，事關巴塞今季前兩次在聯賽失分後，下場聯賽定必血洗對手，第二輪被皇家蘇斯達逼和後，下場即大炒奧沙辛拿八球，至於早前和華倫西亞，下一輪聯賽就大勝馬德里體育會五比○，反映失分後嘅巴塞往往夠「喪」！


要埋0:5同「客其他」


軍情方面，巴塞仍有佩奧爾及阿歷斯山齊士因傷缺陣，但碧基已傷愈復操，有機會復出，不過主隊攻力平庸，所以碧基能否復出都影響不大。ＣＦ格蘭納達中場人腳較為緊絀，兩員正選耶巴達及卡路士馬田斯都因傷缺陣，防守力削弱不少，想頂住巴塞攻勢自然更大阻力。加輝認為「地上最強」大勝問題不大，所以捧大盤之餘，13倍嘅0:5及８倍客其他都值得考慮。