亞琛遇魚腩開齋在望

猪拉多纳

23/10/2011
文： Combo King

今季聯賽已進行咗一段日子，但仲有部分球隊未贏過波，德乙亞琛就係其中之一，佢哋今晚主場對尾二嘅恩高斯達特，勢必贏波向球迷交代，主勝屬過關佳選。




（周日晚7時30分開賽）




亞琛早前換帥之後開始有起色，上仗作客特雷斯登一度領先，可惜喺補時被對手逼和，但從好一面睇，球隊距離勝利又行近一步，有助提升信心，尤其係今場對手只係聯賽作客六戰全敗嘅恩高斯達特，亞琛唔贏更待何時？




另外，可以留意不敗之師法蘭克福，佢哋近期連續四場以兩球或以上擊敗對手，今仗主場炒得起杜伊斯堡，「讓球主勝」有2倍要得過。至於聖保利主場對FSV法蘭克福，主隊大踢感性足球，入得又失得，首選入球大。