哈特斯菲爾德托弗揸得過

猪拉多纳

22/10/2011
文： RICHARD WELBING

今季英甲大部分球隊已進行過十三輪比賽，唯一能保持聯賽不敗球隊就係哈特斯菲爾德。睇番球隊今季演出，如果唔係季初未上力連環失分，相信依家好有機會排行榜首。但無論如何，哈隊都係今季升班熱門，長追實冇衰。周六晚哈特斯菲爾德主場對普雷斯頓，可以對主W多加留意。（周六晚10時開賽）




哈特斯菲爾德今季能交到好成績，相信與廿一歲前鋒魯迪斯有關。佢初出道時冇乜料到，整季入球數字都係一至兩個。但○九年轉去哈特斯菲爾德之後就突然開竅，連同聯賽及盃賽，總入球數字突破二十個大關，進步幅度可以用驚人嚟形容，難怪蘇超球隊些路迪都話想斟佢。魯迪斯上周對埃克塞特繼續神勇連入三球，賽後領隊李爾奇勒仲讚佢嘅水平已超出一般英甲球員。


普雷斯頓狀態沉爆


哈隊聯賽不敗兼有主場之利，爭勝條件一定好過普雷斯頓。有一點要特別留意，普雷斯頓於十月未曾獲勝，球員狀態似乎出現問題，今場作客強隊可謂凶多吉少。