黑池疲兵讓唔起森林

猪拉多纳

22/10/2011
文： 麥馬拿仁

今日英冠有兩場直播，其中黑池主場讓唔起諾定咸森林。黑池季初表現對辦，但近期疲態畢露，上仗贏波都畀領隊荷路維鬧鑊甘，菲臘斯、舒維爾等沉到爆。森林換帥後立竿見影，將士用命下上仗擊敗米杜士堡，弗到咁捧「讓球客勝」！




（now 638周六晚10時直播）


森林換帥即有料到


黑池季初表現sharp醒，但近六聯賽只曾兩勝，早前被韋斯咸大炒四比○後，上仗主場鬥弱旅唐卡士打都先失一粒，到下半場五十七分鐘，荷帥就忍唔住一次過換入三名球員，最後僅靠恩斯囝囝湯馬士恩斯福至心靈獨建兩功反勝。賽後荷帥勁鬧球員唔爭氣，話喺英冠都踢成咁，唔使旨意可上返英超。反觀森林引刀成一快，逼走大牌領隊麥卡倫，改聘前樸茅主帥哥達維即有運行，即刻打破米堡聯賽不敗金身，賽後對手領隊莫比利，都話森林脫胎換骨抵攞三分。此消彼長下，森林作客都有力全身而退，讓球勝可捧。




另一戰雷丁主場對修咸頓，「聖人」作客績曳難靠，雷丁有隊長麥安拿夫復出，配合剛傷愈嘅占美基比，平手盤要得過。




（now 638周日凌晨零時20分直播）