|
|
21/10/2011
做人，最緊要識把握機會！奧格斯堡嘅日本中場細貝萌為爭取更多上陣時間，最近轉型改打左閘，仲話覺得踢呢個位好「kimochiii」（舒服），希望以後都打呢個位，認真襟撈。
轉型求更多上陣時間
今季繼續被利華古遜借去奧格斯堡嘅細貝萌，其實表現唔錯，至今已取得兩個士哥，暫時仲係奧堡次席射手，可惜好多時喺比賽都係第一個被換走。為爭取更多上陣時間，細貝萌趁球隊近期鬧兵荒改打左閘：「因為好多隊友受傷，近期練波我被安排客串左閘。其實我以前喺浦和紅鑽都打過呢個位。我覺得呢件唔係苦差，相反教練畀我打左閘，證明佢信任我嘅能力。」
對於今次轉型會唔會影響國家隊位置，現年25歲嘅細貝萌話一啲都冇：「老實講，我當然想打自己最擅長嘅中場中路位置，但世事邊有咁完美。我知道自己喺日本隊都冇可能係正選，畢竟陣中人才濟濟，所以我覺得我就算喺奧堡改踢左閘，亦唔會影響國家隊嘅位置。」
|
|
金睛卡
发表于 2011-10-21 10:18
变色卡
显身卡