巴塞大舉冚「捷克山寨版」

猪拉多纳

19/10/2011
文： 法比加輝

歐聯H組上演「巴塞對巴塞」，由正牌巴塞隆拿主場撲擊「山寨版巴塞」柏辛域陀尼亞。「地上最強」近況持續勇銳，在魯營比賽更加無懈可擊，近三場主場狂轟十六球！柏辛域陀尼亞呢支捷克神秘球隊已全面曝光，並證明冇乜料到，預計巴塞今晚會繼續開餐，3.5球中位數照捧大。




（有線64及204台周四凌晨2時45分直播）




柏軍吞AC兩蛋冇料到




由於柏辛域陀尼亞踢法似十足巴塞隆拿，加上佢哋亦係以藍紅色作球衣主色，所以在國內被譽為「捷克巴塞隆拿」。不過呢支山寨版當然及唔上正牌軍，以土炮為主嘅柏辛域陀尼亞頭兩場分組賽表現麻麻，主場對巴迪踢成一比一，但形勢以巴迪較佳，至於上場作客豪門AC米蘭就淨吞兩蛋，明顯未夠班在歐聯立足。




適逢巴塞狀態正勇，尤其主場出擊更加無人能擋，近三場在魯營全勝之餘，合共轟入十六球，平均一場入超過五球以上，所以巴塞喺魯營主場真係勒都勒唔住，加輝認為大盤係最佳選擇。