法林明高復甦受讓筍

猪拉多纳

09/10/2011
文： ComboKing

今日主要同大家研究巴甲，其中一場大戰為里約熱內盧打吡，由法林明高主場對上季冠軍富明尼斯。兩支球隊實力極之接近，富明尼斯作客仲要讓波就好唔抵。何況法林明高已經全面性復甦，今場一定砌盡。法林明高受讓平半必捧下盤。（周一凌晨3時開賽）




法林明高上個月處於低潮期，無論主場作客都踢唔出應有水準，但經過球員自我調整之後，球隊似乎回復生氣，近兩場先後擊敗阿美利加明尼路及聖保羅。難得球隊喺季尾止跌回升，今場當然要繼續留意。而富明尼斯近年可謂都畀法林明高食住，無論州聯、巴甲及南球盃，近六次作客法林明高都未贏過，讓唔起主隊。


國體會華斯高做大騷


另外國際體育會主場對華斯高，捧大！華斯高今季力爭聯賽冠軍，鬥志唔使懷疑，今場一定強攻求勝。而國際體育會主場出擊會踢得特別進取，料入球數字唔會低。最後山度士主場對彭美拉斯，主隊近況差劣難信任，讓平半都嫌多，下盤值得留意。