曼城恰布力般防線殘缺

猪拉多纳

01/10/2011
文： 麥馬拿仁

曼城兵變發窮惡，今晚英超作客布力般流浪，捧大盤！曼城永不錄用泰維斯、文仙尼又喪插迪斯高，但仲有大勇嘅阿古路，攻力仍然銳利。布力般今仗有五名防守大將缺陣，後防肯定曳上加曳，曼城作客亦易失波，大盤筍爆！（有線201及301台周六晚10時直播）


兩軍旺入球騷


曼城近五仗僅得兩勝，對拜仁慕尼黑失兩粒都算，鬥富咸領先二比○都失番兩球先失禮，仲要喺對拜仁時搞出泰維斯拒絕後備上陣，同統帥文仙尼對着幹，仲有迪斯高不忿被換出而發老脾嘅鬧劇，可以話麻煩多多，與其捧曼城1.47客Ｗ，不如買1.68倍大。泰維斯雖肯定缺陣，而迪斯高又同文帥嘈完交，但仲有阿古路同巴洛迪利，加上大衞施華同拿斯尼，曼城攻力不成問題；球隊作客時後防又曳，前三場聯賽共失五球場場開大，點可以唔追？




布力般比曼城更大件事，近日陷防守危機，今場史葛丹恩、沙加度、基維、馬田奧臣、賴恩尼爾遜都唔出得，原本已經曳，依家後防肯定弱上加弱，面對曼城圍攻又點頂得住？球隊本季聯賽連盃賽八戰六場開大，比率達七成五，今場冇得唔買大啦！