波圖賓菲加生死大鬥法

猪拉多纳

23/09/2011
文： 巨高

葡超重量級大戰，波圖主場對賓菲加。基於今場賽果隨時影響聯賽冠軍誰屬，故兩隊都唔會放軟手腳，唔係你死就我亡。雙方都為勝利三分，今場唔會縮住踢，巨高認為開放式打法捧大盤就最好不過。




（周六凌晨3時15分開賽）


射手晒冷互轟


波圖雖然有法卡奧離開，但現有前場班底如摩天奴、侯克及占士洛迪古斯等，依然具入球能力。賓菲加就一定要留意前巴塞前鋒洛尼圖，當年踢巴塞當然冇正選啦，但本身質素超晒班，來到水平較低嘅葡超就惡到打橫行。連同奧斯卡卡度素以及艾馬，賓菲加前場一樣有睇頭。其實兩隊入球本錢豐厚，入球數字唔會太低，捧大盤啱數。