|
|
14/09/2011
爸爸睇囝囝踢波就見得多，但睇個仔帶隊練波就好少見，文仙尼嘅父親艾度文仙尼日前就好有心，親臨曼城訓練場睇文仙尼帶隊備戰今晚場歐聯處子戰，希望刺激球隊士氣。
讚施華係皇馬巴塞級球星
已經75歲嘅艾度今年因心臟病要做手術，睇唔到囝囝捧走英格蘭足總盃，令文仙尼若有所失。不過，艾度依家已逐漸康復，日前更到訓練場打氣，希望囝囝今晚帶領曼城首次出戰歐聯有好開始，文仙尼就講笑話艾度都唔係一定撐佢：「佢有時會質疑我嘅決定，提出另一啲見解。」
陣容龐大嘅曼城今晚出戰排咩陣都仲係未知數，但中場大衞施華可以話係必然正選，文仙尼更大讚呢位西班牙中場係巴塞、皇馬級球星：「佢係一名世界級球星，同沙維及恩尼斯達不相伯仲！」
|
|
金睛卡
发表于 2011-9-14 08:28
变色卡
显身卡