狂瀉機員熱Ｗ止跌

猪拉多纳

14/09/2011


美職獨腳戲哥倫布機員主場對侯斯頓戴拿模，哥倫布機員近期認真大鑊，二比六不敵西雅圖海灣者，再以二比四輸畀FC多倫多，連續兩場共失十球咁多，哥倫布機員都幾難畀到球迷信心。不過操盤手似乎對哥倫布機員幾睇好，主W熱到不足2倍，似乎今場形勢唔係咁單純，機員隨時會喺今場大反彈，主W值得一試。




（周四早上7時30分開賽）


戴拿模往績輸蝕


美職當中以西岸球隊質素稍高，故之前哥倫布機員作客二比六輸畀西雅圖海灣者，絕對可以理解。而因球員慘敗後士氣受挫，之後再鬥FC多倫多當然交唔到好成績，如今對番同屬東岸球隊侯斯頓戴拿模，預料哥倫布機員會有唔同演出。




另一個令操盤手睇好因素就係對賽成績，侯斯頓戴拿模近三次作客都輸畀哥倫布機員，以侯斯頓戴拿模平淡走勢，睇唔出佢哋有能力打破不利賽績。