川崎前鋒8連敗 橫濱水手打落水狗

猪拉多纳

14/09/2011
文： 肥叔

為開發亞洲市場，歐洲唔少賽事提早開波，依家夜晚六、七點就有西甲同意甲玩，呢個開波時間真係正，即使戲碼唔算好，但投X額絕對唔曳，啲人一邊食飯、一邊睇波，跟手玩番多少，積少成多，有助推高投X額。




今季西甲雙雄巴塞隆拿及皇家馬德里繼續成為球迷追捧對象，巴塞上場作客皇蘇讓兩球，皇馬主場對基達菲讓三球，真係離晒譜！話晒都係頂級聯賽，參與球隊水平差距唔會咁大，個盤開到完全唔合理，絕對係投X陷阱，唔少散客瞌埋眼照玩上盤，結果損手，依家啲盤咁辣，真係改吓亂捧名牌心態。


皇馬讓得辣博大好過


皇馬今晚歐聯D組作客薩格勒布戴拿模，初盤讓到兩球，又係讓多咗，兩班波質素差一大截，皇馬大可睇定嚟食，大家要記住一點，歐聯都係三分制，贏波夠皮，冇必要去盡，今場可博下盤，預計兩隊會有唔少入波，大盤值得留意。




重心場次揀番日聯盃，橫濱水手對川崎前鋒，捧水手！川崎前鋒本來係日職實力分子，實力評級唔低，不過球隊聯賽八連敗，已經輸到冇晒信心，唔可以用之前標準去計數，呢班波已經散晒，今場受讓都信唔過，一於捧水手。