奧林比亞高斯 平手盤＋和雙投

猪拉多纳

13/09/2011

歐聯開波，波盤市場進入另一高潮，呢段時候會多咗一班名牌客，佢哋唔係波盤市場常客，簡單嚟講只係球迷，佢哋為咗增加睇波刺激性，可能會買番一、二十蚊，唔好睇小呢十元八塊，例如曼聯全球擁有三億球迷，即使只有一半球迷落注，每人落注十蚊，已經有十五億資金流入波盤市場，確實會影響賠率起變動。


波盤市場波詭雲譎，莊家要對大量資金作出部署，賭仔亦要作出最好博弈，今日名牌多，車路士、阿仙奴、華倫西亞、波圖、巴塞隆拿仲有AC米蘭，隊隊都有捧場客，莊家轉盤轉賠率做到暈。

和波全面低開

要作出精明博弈，可以避開呢啲場合，揀場F組奧林比亞高斯對馬賽研究最好。呢場全球都低開個「和」，已有歐洲菠菜公司開到低過3倍，由初盤至今變化唔大，正如上面所講，呢場「球迷因素」影響較小，即時賠率反映到莊家對兩隊睇法。


今仗和波似乎機會大，但某程度上，奧林比亞高斯歐聯專靠主場搵食，而馬賽態沉作客表現亦大打折扣，呢場最好策略買個奧林比亞高斯平手盤，再補番少少和波包底。