馬拉加下格殺令

猪拉多纳

12/09/2011
文： 法比加輝

周二凌晨西甲演獨腳戲，馬拉加主場撲擊升班馬CF格蘭納達。「西甲曼城」馬拉加今季大手掃貨，重金簽入雲尼斯達萊、辛迪卡索拉等球星，希望可以打入前四取歐聯資格，殊不知首戰觸礁，所以今場一定會搵「魚腩」CF格蘭納達祭旗，鬥心旺盛，加輝撐「讓球主勝」。（now 632及660周二凌晨3時直播）




唔計皇馬、巴塞兩大班霸，今夏增兵最積極就要數馬拉加，辛迪卡索拉、蒙利爾、雲尼斯達萊、祖亞昆、杜拿蘭及馬菲臣等，個個都係國腳級人馬，呢個班底絕對有力殺上前列位置，可惜一眾新兵首戰都踢唔出應有水準，作客西維爾縱然控球比率較高，但就因為初段唔集中精神失兩球而導致輸波。


CF格蘭納達班底太弱


由於馬拉加今夏投資唔少錢，所以主場出擊對弱旅，肯定不容有失，今場鬥心信得過！事實上，CF格蘭納達人腳真係幾普通，仍依賴不少過氣球員柏馬洛特及耶巴達領軍，上場主場出戰貝迪斯，輸波之餘亦輸勢，射門次數及控球比率都低於對手，足證呢班波實力欠佳，今季都要在榜下游掙扎。




軍情方面，CF格蘭納達新兵烏捷可望上陣，但門將荷西桑恩及守將哥迪斯都有傷在身，今場好大機會缺陣。馬拉加續有巴西中場巴迪斯達及丹麥中堅史泰斯加特因傷避席，史泰斯加特手術過後，預計要養傷一至兩個月。不過馬拉加大把人，一兩個傷兵影響唔大，今場贏兩球問題不大，捧「讓球主勝」。