史篤城高治炸紅軍

猪拉多纳

10/09/2011
文： 麥馬拿仁

利物浦最驚乜對手？咪就係快速、硬淨、爛搶球隊，史篤城集齊以上優點，主場受讓平半筍爆！（有線201及301台周六晚10時直播）


利物浦最怕爛仔波


紅軍本季大換血，季初戰績不俗，但今仗就備受考驗。領隊杜格利殊作風傳統保守，買入新將如佐敦軒達臣、達寧等都實用有餘靈氣不足，就算查理阿當同格連莊臣能及時傷愈復出，謝拉特亦在後備席，而新兵比拿美都係後備貨色，面對下下去盡、搶到你暈嘅史篤城中場，單靠蘇亞雷斯單打獨鬥，作客根本冇着數。




史篤城近三次主場迎紅軍取得一勝兩和佳績，當中只失一球，上季就以二比○輕勝。史篤城本季演出穩定，連聯賽及歐霸盃五勝二和，目前信心爆棚，加上剛購入「熱刺孖寶」高治及柏拉西奧斯，實力有所提升，受讓好着數。