黑貓遊車河歎細界

猪拉多纳

10/09/2011
文： 樂比堅尼

車路士首三場聯賽表現可以用非常失望嚟形容，雖然佢哋喺轉會窗關閉前最後一刻羅致利物浦中場魯爾梅利斯，但相信亦難有標竿立影效果，今晚作客有九條命嘅「黑貓」新特蘭，車仔隨時有暗湧，捧細盤好過！（有線200及300台周六晚10時直播）


新特蘭識守唔識攻


車路士今季三場聯賽取得二勝一和不敗成績，但三隊對手都係中下游球隊，而且贏嗰兩場都踢得非常辛苦，毫無霸氣，今仗更有射手杜奧巴因傷缺陣，門將施治則復出，前面少咗個人，後面就穩陣咗，兩軍隨時處於膠着狀態。




新特蘭今季最大問題係唔識入波，三場波僅入一粒，頭號射手基恩同領隊布魯士不和，其餘域咸、池東沅根本未夠班，轉會窗關閉前由阿仙奴借用賓特拿，但要「中堅賓」入車仔波，好難啫！