|
13/08/2011
文: 麥馬拿仁
落難「錘仔幫」韋斯咸作客唐卡士打,仲未係時候打開勝利之門!韋斯咸被視為英冠擂台躉壓力極大,主力柏加、麥克盧保隨時鬆人,而且球隊一向不擅作客,今仗讓波捧唔落手。唐卡士打周中英聯盃贏波士氣振,今晚拚死無大礙有力一戰,捧「讓球主勝」同細盤。(周六晚10時開賽)
唐卡士打勝在爛砌
韋斯咸被視為今季英冠擂台躉,但開咧戰落筆打三更,主場0:1不敵卡迪夫城,該仗「錘仔幫」踢得唔曳,一眾主力表現OK,但新將路蘭明顯未入局。韋斯咸落到英冠受到追捧,領隊艾拿戴斯以往都係教保頓等細會先掂,佢同「球星」們能否處理好壓力,對韋斯咸好關鍵。事實上,作客一向係佢哋死穴,唐卡士打硬淨又夠爛打,「錘仔幫」讓波就捧唔過!
唐卡士打周中英聯盃輕取燦美爾,今晚做underdog對住擂台躉唔拚盡就奇,預料戰情膠着,捧埋細盤啱數。
|
|