|
|
10/08/2011
德國對巴西話題熱爆燈，兩隊各有擁躉，不過巴西出生嘅德國前鋒卡卡奧，就希望家人同鄉里為佢同德國打氣，而且預咗60張波飛組成應援團，希望自己倒戈對巴西有好表現，仲話如果親朋戚友要睇波，一定要「變節」捧德國贏至得。
由於卡卡奧並唔係每次都入選德國大軍名單，今次可以倒戈，令佢興奮到笑晒口，仲自爆預咗60張波飛強迫家人同鄉里「變節」捧佢場：「能夠同自己祖國嘅球隊交手，感覺好似夢想成真，不過我同家人、朋友講過，只有佢哋捧德國贏，我至會畀波飛佢哋入場。」
根度簡棄土耳其踢「德」
受到歷史同地理因素影響，近年德國好多「外來球員」入籍，好似多蒙特18歲中場根度簡，佢以往代表過德國各級別青年軍比賽，但由於有土耳其血統，德國教頭勒夫打算喺今場派佢落場，等佢以後冇機會改變主意為土耳其効力，根度簡自己就話無任歡迎：「我喺德國出生同長大，根本唔需要時間考慮。」
|
|
金睛卡
发表于 2011-8-10 11:03
变色卡
显身卡