拉脫維亞洗底強砌芬蘭

猪拉多纳

10/08/2011
文： Richard Welbinc

國際熱身賽日被唔少行內人士視為雞肋，部分賽事更成為不法分子搵食場合，拉脫維亞年初捲入假波案，曾被ＦＩＦＡ調查，今次球隊再次出戰熱身賽，肯定唔敢再搞搞震，主場對芬蘭打真軍，有力贏波洗底。




（周四凌晨零時35分開賽）


畀ＦＩＦＡ查完唔敢玩嘢


拉脫維亞今年二月於土耳其同玻利維亞拍跳，當時球隊以二比一贏波，所有入球都屬十二碼，情況極不尋常，難免引來假波疑雲。睇番當日走地投X情況，確實出現唔少不尋常注項，行內人士一睇就知乜事，ＦＩＦＡ之前介入調查，相信會有多少阻嚇力。




今次拉脫維亞於主場對芬蘭，經過之前一役後，相信冇人敢以身犯險。兩軍同屬歐洲弱旅，評級差距唔大，芬蘭名氣較大，普遍莊家開緊平手盤。芬蘭正面對青黃不接問題，前面要靠科素攻堅，呢個前鋒依家冇班落，真係信唔過，拉脫維亞贏埋唔奇。