|
16/07/2011
歐洲二三線聯賽將陸續開鑼,瑞士超級聯賽今晚戰火重燃,揭幕戰錫永主場對蘇黎世,近年瑞士超基本上由巴素利及蘇黎世壟斷,過去六季兩軍各捧盃三次,實力明顯超班。上季亞軍蘇黎世今季矢志重奪盟主寶座,有力打響頭炮。
蘇黎世不但喺聯賽同巴素利平分秋色,喺歐洲賽亦有佳作,○九年歐聯分組賽作客贏過AC米蘭。佢哋上季僅以一分之差屈居巴素利之下,成為亞軍,輸得好唔抵,更加激發今季爭標決心。其實蘇黎世同巴素利近年喺瑞士超嘅表現,就好似蘇超格拉斯哥流浪同些路迪一樣,級數遠高其他對手,蘇黎世要贏錫永,問題唔大。
|
|