|
|
11/07/2011
國家隊失意，誓要喺球會得意？美斯近排喺阿根廷表現沉到爆，尋日仲畀巴西媒體惡搞護照「斟」過檔，為一吐當中冤屈，據講呢位阿根廷球王決定縮短假期，提早回歸幫巴塞踢超級盃，誓要用入波發洩。
提早返巴塞請纓踢超級盃
美斯喺美洲盃嘅表現不知所謂，唔止被球迷狂鬧，有傳隊友貝迪素都睇唔過眼同佢發生罵戰。本來巴塞教練哥迪奧拿希望美斯踢完美洲盃後好好休息，批准佢下月11號先返去報到。但西班牙《阿斯報》尋日爆料，指美斯主動向巴塞要求提早歸隊，希望踢晒超級盃兩回合。係人都知美斯喺巴塞表現好阿根廷幾十倍，美斯咁做，擺明想喺巴塞搵番入波觸覺，一吐美洲盃嘅悶氣。
其實又難怪美斯嬲到有假唔放嘅，因為除咗阿根廷傳媒好唔畀面，一個專門報道花邊新聞嘅巴西網站近排都玩埋美斯一份，幫佢整咗本巴西護照，話佢已經入籍巴西，直至2014年巴西世界盃，仲大講風涼話：「內訌有咩好玩？既然阿根廷冇人鍾意你，不如過檔巴西啦！」
|
|
金睛卡
发表于 2011-7-11 10:15
变色卡
显身卡