銀河殘陣讓唔起海灣者

猪拉多纳

04/07/2011
文： 路易斯‧布魯

美職早上有兩場賽事上演，其中榜首球隊洛杉磯銀河，將會主場迎戰西雅圖海灣者，由於銀河一、二號門將均缺陣，今仗會起用欠缺經驗嘅第三門將把關，隨時有失分危機，捧「讓球客勝」！




（周二早上10時30分開賽）




銀河今仗陣容不整，正選門將當奴雲歷格斯手臂骨折，而祖殊桑達斯上仗則被逐，今場停賽。除缺少兩名門將外，銀河有艾華度及李安納度因傷倦勤，而兩名老將碧咸及希杜克好大機會缺陣。




洛杉磯銀河上仗對聖荷西地震表現欠佳，剛踢完美洲金盃歸隊嘅牙買加門將當奴雲歷格斯，在比賽初段已受傷退下火線，代替佢上陣嘅祖殊桑達斯又被逐，導致中場馬基要客串當門將，幸好佢成功保持不失，與聖荷西地震打和○比○。銀河今仗會重用二十一歲門將白賴仁柏克，呢位美國青年軍從未喺美職常規賽上陣，經驗不足，隨時畀海灣者乘虛而入！




西雅圖海灣者進攻力相當強，尤其係主將艾華路費南迪斯近況甚勇，今仗有能力喺銀河身上搶分。