聖保羅Ｗ有保證

猪拉多纳

29/06/2011


周中巴甲快車，可留意賽事包括聖保羅主場對保地花高，兩支前列球隊對碰，以聖保羅近期走勢較佳，而且今次又有主場之利，勝算必在保地花高之上。聖保羅齋W有1.65倍合理，今場可多加留意。




（周四早上8時50分開賽）




聖保羅上輪聯賽作客以○比五不敵哥連泰斯，表現確實令球迷失望，但要留意當日聖保羅球員卡連奴斯柏拉巴早於上半場就領到紅牌被逐，人少打人多情況下自然捱打，上輪之失不足為據，球迷大可當粉筆字咁抹咗佢。今次聖保羅重返主場，料可輕鬆取勝氹番球迷開心。唔好睇小主客因素，聖保羅近三次主場錄得全勝佳績，球迷嗌得落力，球員自然踢得更賣力。對手保地花高六場聯賽取三W，但未有一場喺作客環境下取得，而近六次作客聖保羅輸過四次，往績處於下風，今場反佢哋好正路。


山度士唔齊腳捧費古


另外，巴希亞主場對哥連泰斯，巴希亞受讓，「讓球主勝」可留意。剛提到哥連泰斯上輪能大勝聖保羅略帶幸運成分，今次作客讓波就有多少保留，巴希亞班底係差少少，但憑地利之助有望逼和對手。最後費古倫斯主場對山度士，主W可高度留意。山度士陣中幾員猛將如尼馬、甘素及艾蘭奴都已經去咗阿根廷準備出戰美洲國家盃，陣容不整之下難有作為。