鯨魚有仇報仇

魑魅魍魉

25/06/2011
文： 蘇豪

日職賽事名古屋鯨魚主場迎戰浦和紅鑽，紅鑽今季繼續冇料到，王牌前鋒艾美臣將赴中東掘金，令鋒力大幅受削，情況唔多樂觀。鯨魚多名主力傷愈復出，已經重現霸氣，有望報回季初大敗之仇，捧主勝！（周六晚6時開賽）




浦和紅鑽今季改由舊將施里高柏杜域領軍，球迷期望甚大，不過，大軍聯賽十二戰只贏兩場，演出完全唔對辦。另外，紅鑽主力射手艾美臣即將轉投卡塔爾球隊艾加拉法，首席士哥拿原口元氣代表奧運隊缺陣，兩人於聯賽共入七球，佔球隊一半入波，今次齊齊缺陣，實在難望反彈。




名古屋鯨魚季初傷兵多，試過有半隊主力缺陣，近期一眾傷將陸續復出，大軍戰績亦止跌回升。射手玉田圭司及約舒亞堅尼地腳風極順，兩人於聯賽合共轟入十四球，屬入球保證，雖然中場丹尼臣哥度巴要停賽，但影響唔大。鯨魚季初作客紅鑽輸○比三，今次實有仇報仇，捧主勝。


山葉再拆「蜂」窩


同日磐田山葉作客福岡黃蜂，黃蜂聯賽十二戰一和十一負，堪稱日職黃大仙，球隊今季聯賽連盃賽兩戰山葉輸晒，相信今場難爆冷，再反！


日職推介


鹿島鹿角 大




磐田山葉 勝

名古屋鯨魚 勝