希爾星堡盡情數胡

猪拉多纳

23/06/2011
文： 麥馬拿仁

瑞典超周五凌晨繼續開快車，榜首希爾星堡主場鬥特利堡，捧2.2倍「讓球主勝」！特利堡四連敗狂失十一球，防線穿窿靠唔住，希爾星堡連續兩場失分，今返主場要大勝一場攞威，淨勝兩粒話咁易。（周五凌晨1時開賽）




雙方上月尾曾在瑞典盃十六強交手，當時特利堡作客輸一比二，加埋聯賽三連敗，佢哋近四場一共失咗十一球，防線紙紮一樣，最慘係陣中首席射手普迪有傷仲未出得，前線冇佢做竄擾，對手自然更加放膽進攻，直接令防線壓力大增。




希爾星堡自從擊敗特利堡，對上兩場聯賽都失分，未計周四凌晨成績，佢哋只比次席艾夫斯堡多三分，為保榜首優勢，今返主場更加唔衰得，1.4倍主Ｗ好穩陣，如果想要好分頭可捧「讓球主勝」。


馬模炒加費萊出氣


另一場馬模主場鬥加費萊，馬模上月主場對希爾星堡一役因球迷騷亂被判輸○比三，球隊谷埋一肚氣，上仗輕取卡爾馬盡顯實力，續於主場出擊值得睇好。加費萊近三次對賽全敗，而且唔只輸一粒，2.2倍「讓球主勝」亦可一試。