福士被淋廁所水

魑魅魍魉

07/06/2011


現年六十四歲嘅福士屬於德國球壇殿堂級人物，球員時代曾協助前西德奪得一九七二年歐國盃及七四年世界盃冠軍，佢喺世界盃決賽凍結荷蘭球王告魯夫，而名噪一時。轉執教鞭之後，亦率領德國成為九六年歐國盃盟主，此後德國未攞過大賽錦標。




其後福士先後執教過利華古遜、科威特、蘇格蘭及尼日利亞國家隊，但成績都唔好，往往做一兩年就要執包袱。




他在○八年成為阿塞拜疆主帥，雖然都算做得長，但日子並唔好過，日前開記者會，交代今場備戰情況時，竟然被幾名記者掟廁紙及淋廁所水，因為記者不滿球隊上仗一比二輸畀同組最弱嘅哈薩克，所以要佢下台。事後福士不但堅拒下台，更要將襲擊佢嘅記者告上法庭。