老虎求存發惡噬維拉

猪拉多纳

英超護級火併一樣激烈，「老虎」侯城剛爆冷喺曼城身上搶到1分，展現拚命求存嘅鬥心，今晚主場對阿士東維拉，屬於護級「6分波」，「老虎」食住勢發威，飛噬對手。維拉已9場聯賽未贏過，入得兩球，睇怕都冇運行，寧捧當頭起，直取侯城主勝。

（now 623周三凌晨3時45分直播）

侯城大踢爭氣波，上仗戰至補時，先至被曼城逼和1比1。雖然未能全取3分，但已贏盡口碑，可大大振奮士氣。事實上，弱隊最緊要打道氣，侯城踢出信心之後，相信會愈來愈順，陣中射手謝拉域、中場大衞美拿都係具質素進攻球員，對同級對手維拉，預料侯城會踢得更進取，力求搶晒3分。
維拉聯賽９戰不勝

維拉喺足總盃踢得有聲有色，但轉戰聯賽就冇料到，近9場英超不勝，不敵阿仙奴、車路士，情有可原，但輸畀下游球隊西布朗同李斯特城，實在說不過去。今場護級大戰，點都係侯城秤先。