驍武票勁誓攞威

猪拉多纳

　　唔知係咪呂健威今季氣勢如虹，今晚佢雖然只係派五匹馬上陣，但竟然有三匹係隔晚大熱門，佢哋分別係第二場「晨采」、第四場「龍之欣」同第七場「驍武」。唔講唔知，原來呂廐近期大熱門準到不得了，對上五匹有四匹順利贏馬，就算唔贏嘅「上海先鋒」，至少都跑入Q（見表），穩陣到痺。

　　三匹呂廐隔晚大熱入面，周某最鍾意第七場「驍武」，呢匹馬上仗季內初出跑四班谷草1000米，當時因為冇近績，所以賠率冷到35倍，結果竟然獲亞。雖然跑近嘅馬有飛唔奇，但要記住，呢匹馬今次係升班兼增程，隔晚可以成為大熱門，可見信心有幾大，要跟。騎師王揀莫雷拉，事關佢手馬真係好惡。