千軍萬馬落班熱透

猪拉多纳

　　今期沙田草泥地日馬，星期六跑馬不嬲都難賭啲，今次亦唔例外。未出賠率之前，周某本來覺得呢期賽事有咁多實力馬，應該爆唔出咩花樣，偏偏呢堆馬隔晚飛竟然唔係太強，有啲仲要唔係大熱門，睇嚟信心唔夠，避一避好。

　　韋達今日騎足十場，咁多匹坐騎入面，有三匹落班馬飛數特別有信心（見表），當中頭場「千軍萬馬」更可以用瘋狂嚟形容。話說呢匹「千軍萬馬」轉入賢廐後，五戰都冇飛，獨贏徘徊喺11至99倍，呢鋪落班配韋達，雖然話轉跑贏馬路程泥地1200米，但隔晚得2.8倍真係太瘋狂，既然咁有信心，不妨跟番注。騎師王方面，自從莫雷拉來港客串，好少見韋達做大熱，難得今次得2.15倍，要捧。周仲