|
|
香港跑馬，如果不計級際賽及新馬賽，一般賽事都分成五班，一班最高，五班最低，而乜馬跑乜班，按其評分而定。換言之，若然匹馬愈跑愈曳，又或者成日唔上名，分數減減吓，自然會落班。許多時候，爆冷賽果就係咁來。
點解落班馬容易爆冷？未講之前，不如聽在下講故仔先。在下以前讀書懶到爆，但由於資質唔差，所以考中一分班試時，曾被編入精英班。
如果你唔肯溫書，又或者得閒溫吓，在精英班想撈到二十名內，真係好難。可能你會話：「你咁有資質，考個二十一都唔係好難啫。」對，但你要留意，入得精英班，哪個沒資質？況且，除了班內人，亦有些落入他班的滄海遺珠想過來跟你爭一席位。最終，在下升中二時，就落入E班。自此，每逢班內測驗，我都是全班最高分，但其實我只得50分，剛剛及格。為何出現這個狀況？擺明是對手太弱啦。
放諸馬場其實一樣，一匹馬落班，面對實力較弱對手，突然變身有乜咁奇？今期賽事，頭場「太陽辰」於暑期時被減6分，今仗終於落五班，由於此駒上季總場次586四班田草1200米曾交出表現，今次落班又報跑泥地賽，賽前不斷拍跳，擺明想郁手了。(洋超) |
|
金睛卡
发表于 2013-9-20 11:03
变色卡
显身卡