車仔踩油衝殺窮鬼樸茅

猪拉多纳

08/01/2012
文： 樂比堅尼

除曼聯及曼城外，車路士今晚亦會於英格蘭足總盃第三圈賽事上陣，於主場出戰英冠樸茨茅夫。車仔今季聯賽爭標機會渺茫，領隊保亞斯為求交代，一定想爭番個足總盃，難得對手係債台高築、自身難保嘅樸茨茅夫，樂比仔相信車仔可輕鬆過關，捧「讓球主勝」！（周日晚11時開賽）


過去五屆三度捧盃


車路士曾六奪足總盃冠軍，當中包括過去五屆攞咗三屆，可見佢哋對足總盃相當重視，雖然主將杜奧巴離隊備戰非洲國家盃，但前線仍有盧卡古、史杜列治及費蘭度托利斯可用，入球能力唔使懷疑，只要發揮水準，相信要贏兩三粒難度唔大。




樸茨茅夫債務問題一直未解決，令球隊成績大受影響，依家排英冠十七位，隨時要護級，而且樸茅最大問題係作客唔掂，今季作客僅贏過一場，嗰球仲要係臨完場符符碌碌入波，今場要阻止車仔晉級相當困難。


黑貓開胃o趙埋「彼德」


另一場足總盃第三圈賽事，彼德堡主場對「黑貓」新特蘭（now 671及672周日晚11時30分直播），新特蘭自奧尼爾上任後脫胎換骨，相信唔使再擔心護級問題，以奧尼爾嘅野心，相信會力爭喺足總盃有一番作為，作客對英冠仔彼德堡點會驚，捧客勝！