波圖聯賽行先放生費利拿

猪拉多纳

21/12/2011
文： 自由恒

西班牙盃32強充斥強弱懸殊嘅對碰，但仍然懶公平咁踢主客兩回合，無論有心問鼎定放棄爭盃，都要捱足兩場，認真係費時失事，亦因為賽事增加而多咗變數，令戰意更加難測，絕對唔係理想嘅投X場合。




今日其實仲有多項盃賽選擇，清晨5點就有場葡聯盃D組分組賽，由費利拿主場迎戰波圖，呢場波本來安排喺明年1月舉行，但為咗遷就客軍於稍後聯賽惡鬥士砵亭，特別提早至今晚上演。


費利拿為上屆葡聯盃亞軍


咪以為波圖係葡超班霸，就乜盃都爭，查實佢哋都係聯賽行先，對葡聯盃興趣一向麻麻，從來未試過揚威之餘，去年就喺第3圈分組賽出局。對手費利拿雖然喺葡超排包尾，但話晒都係上屆葡聯盃亞軍，今屆葡盃都去到16強，踢盃賽有一手，受讓要3.1倍「讓球主勝」。（開賽時間：周四清晨5:00）


足球重心：費利拿（讓球主勝）


馬膽推介：3場2 名馬




近期蔡約翰鍾意安排質新馬去谷草搵食，「名馬」今晚又尋求喺谷草1200爭取連捷，上場揀內欄唔夠位先贏得咁險，上周谷草又利晒外檔馬，今仗抽9檔反而更安心。


葡聯盃賽制：


今輪為第3圈分組賽，16支球隊分4組踢單循環賽事，小組首名躋身4強淘汰賽。