西盃貝迪斯報仇演科騷

猪拉多纳

21/12/2011
文： Combo King

西班牙盃第四圈次回合多場賽事中，阿King最有信心就係貝迪斯主場對科爾多瓦，貝迪斯首回合因為留力應付聯賽而輸○比一，由於踢今場前，西甲已經歇冬，意味貝迪斯可以精銳盡出求勝，主W可視作過關膽之用。




（周四凌晨4時開賽）




貝迪斯喺首回合不敵乙組球會科爾多瓦，的確有多少冷味，但輸波主要原因係貝迪斯只用二線兵應付，好似首席射手魯賓卡斯度、中場比納特及後防支柱卓祖都冇落場。不過，以上幾名主力今場都會隨時候命，而且貝迪斯又坐擁主場之利，相信可以輕取對手。


馬體會次回合「大」 翻身


另一心水同樣係追落後嘅西甲隊，馬德里體育會主場對阿爾巴塞特。馬體會首回合落後畀「丙組仔」一比二，返回主場一定搏盡求勝爭出線。事實上馬體會近期戰績備受批評，教練文沙奴壓力愈來愈大，為保飯碗，今場一定唔敢再輕敵，因此大炒機會高，捧入球大。




最後一關就揀維拉利爾主場對米蘭迪斯，兩軍首回合踢成一比一，所以「潛艇」冇得放軟手腳，今場要主攻求勝，對手實力平平，維拉利爾「-1」冇難度。