紅魔難破富咸宿命

猪拉多纳

21/12/2011
文： 麥馬拿仁

曼聯作客富咸，紅魔作客聯賽四連勝，但對手較弱，而且其中三戰僅勝，未必咬得入富咸。富咸主場一向有惡氣，本季就曾令曼城失分，兩年前於拆禮物日前一輪亦贏過曼聯三蛋，受讓半一捧得過！




（有線201及301台周四凌晨4時直播）


近三作客富咸不勝


富咸於歐霸盃出局後，可專心應付聯賽，上仗就以兩球輕取保頓。進攻靈魂丹普西勇極，主場贏利物浦一箭定江山，另一名前鋒拜仁雷斯亦已入局，加埋安祖莊臣同森莫亞，鬥曼聯有得砌。事實上，富咸近年主場鬥紅魔鬼好有心得，三迎曼聯兩勝一和，當中包括兩年前同時段贏三比○，富咸心理上有優勢。今戰受讓半一，以曼聯近期作客周時僅勝嚟睇，富咸絕對值博。




本季初曼聯係勇，但失去多名老將影響極大，近期衰到歐聯分組賽出局。雖然朗尼回勇，查維亞靴南迪斯亦已復出，但對比起近季及季初，整體戰鬥力的確稍遜。而且曼聯作客冇乜霸氣，鬥昆士柏流浪、史雲斯、阿士東維拉同愛華頓等優勢都唔大，而且多贏一比○，未必啃得落「豬頭骨」富咸。