曼城幫拖法蘭克福贏波

猪拉多纳

19/12/2011
文： 走肖

德乙歇冬暫別戰今晚上演，聖保利喺主場對法蘭克福，唔容易開W，事關傳聞法蘭克福即將同曼城達成合作關係，嚟緊可借用對方嘅球員，爭取升班，而且艾迪素傷愈可以同基卡斯組成無敵前線組合，家陣大把世界 ，士氣大振，平手盤當然捧得過。（開賽時間：周二凌晨3:15）


聖保利近10戰僅1場不失


法蘭克福係德國老牌球會，今季降落德乙比賽，目標當然係盡快重返頂級聯賽，報道話佢哋打算同曼城結盟，成事嘅話，就可以喺1月向對方班救兵，下半季隨時有更勁嘅表現，更何況法蘭克福開季以來聯賽只係輸過1場，其餘17場有11勝6和，受到搭上曼城嘅利好消息影響，呢場肯定踢得更醒神。




仲有呀，法蘭克福前鋒艾迪素已經好番，並且喺上星期打和格雷特霍夫0:0嘅比賽正選復出，有佢同射手基卡斯合作，相信今場唔會再令球迷失望。唔好忘記，今季佢哋聯賽各入7球，對住近10戰得1次保持清白嘅聖保利後防，肯定嗒晒糖，難得今場法蘭克福唔使讓波，信佢哋就不妨捧場。