鯨魚唔重視天皇盃咪掂

猪拉多纳

18/12/2011
文： 吉拿甸奴

日本天皇盃係東瀛球壇最受重視嘅盃賽，但唔知點解，今屆唔少有實力嘅球隊已經出局，大阪飛腳、廣島三箭同磐田山葉上一圈玩完，鹿島鹿角尋日出埋局，名古屋鯨魚周三喺16強對柏雷素爾，未踢已經放咗中鋒約舒亞堅尼地同中堅田中鬪莉王返澳洲同巴西，唔似有心爭盃，呢場捧柏雷素爾着數。




由於鯨魚係日職亞軍，唔需要透過天皇盃爭踢下屆亞冠盃，所以約舒亞堅尼地同田中鬪莉王以有傷作理由，提早放假分別返咗澳洲同巴西，如果鯨魚有心爭冠軍，相信唔會咁做。另一方面，柏雷素爾喺世冠盃踢出氣勢，返去天皇盃仲有今季日職MVP李安度杜明基斯坐完波監復出，抵捧！




除咗天皇盃，意甲都有好嘢介紹，烏甸尼斯喺主場對祖雲達斯，關係到兩隊爭標前途，不過祖雲達斯有中場維達爾同中堅邦路斯坐完波監復出，陣容更加完整，何況賽程頻密，後備陣容較強嘅球隊難免有優勢，呢點祖記始終好過烏甸。