桑坦德皇蘇做「大」騷

猪拉多纳

18/12/2011
文： Sherry

自從畢業後，小妹日日都掛住返工，無晒時間玩之餘，仲要朝朝6點起身，最慘呢排天氣又凍，喺張暖笠笠嘅床上要起身真係勁掙扎！但無計啦，小妹應承咗爹哋同媽咪要畀心機做嘢搵錢，幾辛苦都要撐住！




西甲今晚有場桑坦德主場迎戰皇家蘇斯達，2.25倍入球大好路呀！始終桑坦德近4戰場場有波入，一對南美箭頭史杜安尼同拿侯爾賓至今已有4個入波，鋒力唔曳o架！對家皇蘇就仲癲，近3仗勁入7球，但同時就失咗5球，防中伊拿拉文迪同守將卡達梅路有傷，另一位悍將艾路斯當度又話要坐波監，今仗焗住繼續以攻代守，咁嘅情況，想呢場波少「士哥」都難啦！


Sherry靚盤：桑坦德（入球大）


百足咁多爪嘅大學生，熱愛運動，最鍾意同啲Friend唱K兼睇波，曼聯中場路爾斯安達臣同車仔前鋒費托都係佢杯茶！