操盤手睇衰馬里迪莫

猪拉多纳

17/12/2011
文： RIOHARD WELBING

葡超波圖主場對馬里迪莫。好多人都知馬里迪莫係今季葡超異軍，無論主客場都能交出好表現，實力評級亦比去季有所調升。不過本周面對真正冠軍級球隊，馬里迪莫嚴重冷落，齋Ｗ超過10倍。似乎操盤手對於呢支馬德拉島球隊唔太睇好。喺賠率側重嘅情況下，建議投X者選取「讓球主勝」。（有線155台周日凌晨4時30分直播）


波圖專注聯賽炒得起


波圖為去季三料冠軍，喺葡超可謂超晒班，今季聯賽仍保持不敗都好正常。雖然射手法卡奧於夏天離隊，但以今季聯賽成績所見，波圖入球率仍然偏高，證明呢位哥倫比亞國腳離隊對於球隊影響唔大。另外波圖經常喺聯賽主場大炒對手，其中一場就對住同屬馬德拉島嘅國民隊，當日波圖更大勝五比○。仲有，歐洲賽事暫時休戰，現階段波圖可集中精神應付本土聯賽，走樣嘅可能性大大降低，投X者可放心捧場。




馬里迪莫今季演出有大幅進步，不過與「Big3」球隊尚有一段距離。就以上輪聯賽對住另一支爭標主角賓菲加，馬里迪莫有主場都頂唔住，今次作客另一支強隊波圖，馬里迪莫形勢更差。