馬賽W安心捧 主場醒神踩油追數

猪拉多纳

17/12/2011
文： 笛子波童

法甲直播賽事馬賽主場鬥羅連安特，馬賽上周主場雖然被波爾多踢和○比○失分，但演出其實冇走樣；羅連安特向來主強客弱，上周喺福地主場都要輸畀里昂，球員信心恐怕會遭受進一步打擊，1.46倍主W係穩陣之選，進取啲可捧埋2.45倍「讓球主勝」。（now 714周日凌晨2時直播）




自從於國家打吡大勝宿敵巴黎聖日耳門，馬賽表現全面復甦，除咗成功取得歐聯十六強資格，聯賽亦已保持三場不敗，上周面對波爾多全場射門達十七次，如非欠運應可全取三分。馬賽目前於聯賽榜排名較低，主要原因係作客成績差及分心歐聯，如果單計主場聯賽，馬賽近六場取得四勝兩和，其中近四場都冇失過波，表現穩定，為彌補上場失分之過，今場續於主場出擊一定更搏命搶分提升排名。


羅連安特作客奇差


羅連安特一向靠主場搶分，可惜佢哋上周於主場以○比一不敵里昂，被打破今季主場不敗身，士氣恐怕受影響，球隊今季除於揭幕戰爆大冷打敗聖日耳門，其餘時間作客表現乏善足陳，就連迪安、伊維恩及比斯特呢啲中游球隊都可在佢哋身上全取三分，馬賽又點會放過呢個贏波好機會？