賓菲加「大」炒里奧艾維

猪拉多纳

16/12/2011
文： 查理阿蛋

今晚「葡超二佬」賓菲加（上圖左）主場迎戰里奧艾維，前者今季聯賽主勝率高達100%，同里奧艾維作客未贏過嘅紀錄差天共地，搞到「讓主」冇肉食，睇番賓菲加主場幾乎場場開大，小妹寧願捧1.54倍「入球大」喇！（開賽時間：周六凌晨4:15）




賓菲加今季喺葡超一場都未輸過，雖然得失球差較輸蝕，但仍然以同分緊咬住榜首波圖唔放，佢哋喺主場尤其威水，6場全勝之餘，更有5場開大。作為賓菲加入球源泉嘅奧斯卡卡度素對上兩仗都有波入，効力4季半經已為賓菲加射入111球，今仗必定繼續爭取入球，力求早日打破120球大關。




除咗火力有保證，主隊今場亦傳出喜訊，後防大將兼隊長安達臣雷沙奧傷愈復出，對球隊嚟講絕對係一大支強心針！後防穩健，前線自然放膽攻，面對作客不勝嘅里奧艾維，數多幾粒又有幾難？