澳職特別場獅吼煲魚生粥

猪拉多纳

14/12/2011
文： 自由恒

過往澳職有11隊波嘅時候，周中經常有比賽，但今年減至10隊後，頭10輪都只係安排喺周五至周日進行，唔計上周取消咗嘅FC悉尼對珀斯光輝，今日終於有場威靈頓鳳凰對布里斯班獅吼嘅獨腳戲上演。


其實今場並唔係補賽，只係澳職賽會希望增加曝光率，特別將其中一周賽事，拆散喺5個唔同嘅周三上演巡迴賽，全部喺中立場舉行，等唔同地方嘅朋友都可以接觸澳職，同當年英超賽會倡議嘅第39周賽事類似，今日場波就移師到新西蘭南島城市達尼丁舉行嘞。


其實新西蘭南島人口先至得100萬多少少，鳳凰要專登由北島南下做宣傳，都算係大犧牲，話晒佢哋今季所有勝仗都係喺主場取得，去到中立場面對榜首嘅布里斯班獅吼，就點都係擇使，好彩佢哋今季從未試過有一場輸多過兩球，今鋪一於博獅吼小勝，要3.55倍「讓球和」。（開賽時間：周三下午2:30）