祖記副選解封博老命

猪拉多纳

08/12/2011
文： 巨高

意大利盃十六強賽事，祖雲達斯主場對博洛尼亞。今季祖記回復班霸本色，開季至今從未落敗，轉戰意大利盃可繼續看好。相反博洛仍排在積分榜下游位置，相信唔會花太多精神爭盃賽，集中火力護級仲實際，預計祖記可輕取對手，「讓球主勝」可捧。（周五凌晨4時開賽）




祖雲達斯今仗好可能派出副選上陣，「斑馬兵團」今季大事擴軍，陣中仍有唔少高質後備尚未「開封」展示真實力，其中荷蘭球員艾利亞最受球迷期待。另外伊亞昆達及東尼等老兵經驗豐富又夾慣夾熟，蓄銳一擊誓演好戲。呢班二線兵餓波已久，如今有機會落場必定發揮所長，希望日後獲得更多上陣機會，論鬥志一定唔會差。加埋主場之利，今場要砌低博洛尼亞唔難。


博洛慳番啖氣護級


博洛尼亞於意甲排尾四，球隊高層早已講過以護級為最大目標。以其有限資源，好難聯賽及盃賽兩面兼顧，放棄盃賽實屬明智。尤其今場作客，更加無謂同強隊鍊盡搏殘自己，影響聯賽表現。博洛戰意不明，捧祖記好合理。