捧柏雷素爾1.75倍大好過

猪拉多纳

03/12/2011
文： 九叔

日本波玩埋今日就收咧放寒假，焦點唔使問就係日職嘅「優勝大混戰」，形勢佔上風嘅「一哥」柏雷素爾，晏晝會作客埼玉對浦和紅鑽，個埼玉球場原來一直唔太旺柏雷素爾，10年嚟只贏過1次，今場波博1.75倍入球大，穩陣過要客W。（now 633、660、711台、有線148及廣東體育周六下午2:30直播）




睇吓日職積分表就知，柏雷素爾、名古屋鯨魚同大阪飛腳3隊，今日都要爭取作客贏波，先至有機會攞到冠軍，所以足智彩呢3場波開到個客W鬼咁熱，尤其柏雷素爾對浦和紅鑽嗰場，個客勝熱過好多同行，其實足智彩咁開亦好正路，話晒浦和原則上唔輸多過10球，咁就即使尾3嘅甲府風林大炒贏波謝幕，都可以唔使降班，所以浦和今日可以話係踢風流波。


浦和梅崎司寧幫鯨魚打江山


但係浦和會唔會咁順攤，任得柏雷素爾响自己地頭贏波，創造球會歷史上首度稱霸日職嘅歷史呢？浦和中場梅崎司就講唔想見到柏雷素爾喺埼玉捧盃，仲話自己寧願搏命死砌，幫前隊友、依家踢緊鯨魚嘅田中鬪莉王同三都主打江山喎，而且浦和自2001年11月10號起，响埼玉球場5鬥柏雷素爾取得1勝3和1負，落敗比率唔高，即使前鋒伊斯古迪路養傷都未必任人魚肉。


6萬波飛售罄全場「染紅」


由於人人當呢場波係盃賽決賽咁睇，全場6萬張飛早就賣晒，當然係浦和Fans佔絕大多數，到時肯定全場「染紅」，主隊佔盡地利人和，唔贏唔得嘅柏雷素爾即使入到波，面對疊埋心水玩反擊嘅浦和，亦都好難保證後防唔失，一於玩大佢啦。