查爾頓開胃翻嗒卡素爾

猪拉多纳

03/12/2011
文： ComboKing

今晚有多場英格蘭足總盃第二圈賽事，阿King重心推介全英甲對壘，查爾頓主場迎戰卡素爾。查爾頓今季表現大勇，於聯賽排榜首，球隊開始心雄，自然想喺盃賽幹一番成績，佢哋個幾月前啱啱大炒卡素爾四比○，今仗有力翻尋味，1.57倍主W最好用來過關。（周六晚11時開賽）




查爾頓喺英甲已拋棄第二位錫周三達七分，可以放心爭埋盃賽，球隊狀態極佳，連盃賽已七連勝，當中五場淨贏對手兩球或以上，勒都勒唔住，而且亦冇理由放軟手腳打窒自己條氣，相信今仗會照樣搏命。卡素爾踢盃賽唔掂，喺英聯盃第二圈被乙組仔艾迪索特淘汰，其後英錦賽亦輸畀乙組下游球隊阿克寧頓，可見佢哋根本冇心爭盃賽。今次遇上實力更強嘅查爾頓，輸波出局好正路。




另一支英甲球隊米爾頓凱恩斯火力驚人，近三仗共入十五球，今輪足總盃作客乙組班列特隨時又演入球騷，捧入球大。同屬英甲嘅賓福特主場對非聯賽球隊域斯咸應可輕鬆過關，捧主勝穩陣。