「機盲率」玩過關好易輸

猪拉多纳

03/12/2011


上次講過賭仔基於資訊幻覺令到過度自信，從而影響注碼，另一個過度自信嘅來源，係來自「機盲率」，即是對機率事件判斷錯誤。




「機盲率」係人們對於小機率事件出現嘅可能性產生過高估計，認為總係可能會發生，大批「機盲率」嘅人存在，亦係保險公司同菠菜公司賺錢嘅心理基礎。




行為經濟學家研究發現，大家購買保險時，會高估咗倒楣發生嘅可能性，而大家遇着XXX有超級多寶時，總會買多幾十蚊，亦係高估咗中頭獎嘅機率。




「機盲率」嘅人一心渴望高額嘅報酬，但唔顧小機率事件發生嘅可能性，對百萬分之一同對千分之一嘅態度冇分別，認為「始終都會發生喺我身上」。




理論放喺賭波上，你會發覺好多人鍾意買番條「8串1」碰運氣，而不少菠菜公司亦喜歡宣傳「今周最勁穿雲箭」，強調有人過關中咗幾多十萬，令到「機盲率」賭客增加，但事實上買單頭獲利嘅賭客，絕對多過買過關嘅人。


熱刺留晒力等炒保頓


今日單頭最好路應該係英超嘅熱刺「讓球主勝」，熱刺周中歐霸出晒二線兵留力聯賽，夏利列納早前亦話唔係冇機會追近曼城，擺明會喺聯賽搏命，主場對住今季跌晒Watt嘅保頓，應可大勝一場。

（有線304及204台周六晚11時直播）