川迪「恐英」撐富咸「客勝」

猪拉多纳

01/12/2011
文： 朱楓

今晚歐霸盃K組川迪主場對富咸，倒戈嘅富咸教練祖爾當然唔衰得，適逢川迪一向有「恐英症」，1.85倍「讓球客勝」要捧！（有線61及201周五凌晨2:00直播）


富咸主帥倒戈唔衰得


先講K組形勢，川迪已經提早出線，今仗贏波仲可以鎖定首名，至於富咸贏波就可以提早晉級32強。賽前歐洲傳媒都將今場焦點放喺富咸教練祖爾身上，事關佢喺球員時代曾効力川迪，難得今晚重返母會，梗係唔想衰畀班鄉親父老睇。雖然富咸今場有前鋒拜仁雷斯唔合資格上陣，好彩另一箭頭迪比利及時刑滿，火力仲靠得住。




對家川迪近況回落，日前荷甲主場對維迪斯被逼和0:0，連續兩場不勝兼入得1球，賽後教練阿祖安斯承認班波欠缺創造力，今晚對住實力再高一皮嘅富咸唔似有運行，更何況川迪史上12次對英格蘭球隊只得5和7負，今晚真係隨時輸埋都唔奇！