PSG當揼捧主場薩堡

猪拉多纳

01/12/2011
文： 樂比堅尼

歐霸盃F組賽事，巴黎聖日耳門（PSG）作客奧地利薩爾斯堡。PSG慣性喺歐霸盃收起部分主力，之前小組兩場客戰不勝兼冇波入，加上球隊狀態曳，剛被馬賽重創，教頭高巴亞隨時帥位不保，今戰一分夠出線下，就算真打都未必贏到，薩軍受讓必捧！（有線64及204台周五凌晨4時05分直播）




睇番此組形勢，畢爾包有十分在手已經篤定出線，斯洛伐克代表施洛雲得一分已出局，PSG領先薩爾斯堡三分排第二，如果今仗各得一分，就算最後PSG輸波、薩爾斯堡贏波，PSG都可以較佳對賽成績晉級，故PSG今場根本唔使贏。


薩軍近十主場僅一敗


億萬大軍PSG，近期連輸兩場一球不入，吞馬賽三蛋更搞到教頭高巴亞聞到魷魚香，陣營士氣麻麻，加上其作客劣績更信唔過。薩軍要保出線機會必搏，佢哋近十主場僅一敗，受讓可捧。




F組另一仗，畢爾包主場鬥施洛雲屬例行公事，主隊料會收起部分主力，今戰主W及讓球主勝都冇肉食，施軍近三場歐霸盃零入球，可捧畢爾包1:0、2:0波膽。